Souvenir de Franchoué (Souvenir de François)


L’ëët eun cou, i pià di greup, (i veulladzo de La Comba de Veulla)

Eun pallier fé à la modda viëllie

De bèrio de djouëye gri cllièr.

Lèi restaat Franchoué lo piournatson,

Eun pouo viou tot solèt

Que l’ayet pamë ni fenna, ni garçon,

Et passat lo dzor à tsaplé lo bouque pe l’ivër.

Se s-ami sayan le s-abro, lo tapadzo de l’éve,

le beëtche et lo bon veun.

Et quan féjèt lot or di cantigne

Trouaat todzor quaqueun

Que pe lo sentë tsanté, pe pitié,

Lèi payaat lo vèyo.

Et Franchoué conteniaat se dzor.

Et eun tchi lliù n’ayet todzor, se t’ayet faata,

Eun plat de seuppa de tchatchan sèque et d’arcoveu-o,

Ballià avouî amour.

Pouo Franchoué !

Tot p’eun dzor l’an pamë vutte à la cantigna,

L’an pamë sentù le crèp di feuitsèt.

Son allò te tchertché.

Et l’an trouotte deun lo pallier,

Achouattò a tabla.

Te sèmblaat eundremì, te sourijèt…

Franchoué,

Dze me rapellerì todzor de té,

Mîmo se ara, ton pallier l’an tappolo bò,

et ton tsat l’est crapò.

Dze me rapellirì todzor de té,

De tigne seuppa de tchatchan sèque et d’aarcoveu-o,

De tiogna dzènta vouéce

Quan te tsantaat tot solèt eun tsaplèn lo bouque

« Eun compagnì de me s-ami,

De ma mèison ! »..

1975

Souvenir de François

Il y avait autrefois, aux pieds du rocher, (au village de La Comba d’Aoste)

Un pailler bâti à la vieille façon

Avec les pierres grises du torrent.

Il y habitait François l’ivrogne,

Un pauvre vieillard tout seul

Qui n’avait plus ni femme, ni garçon,

Et qui passait la journée à préparer son bois pour l’hiver.

Ses amis étaient les arbres, le chant du torrent,

Les animaux et le bon vin.

Et quand il faisait le tour des bistrots,

Il rencontrait toujours quelqu’un

Qui, pour le faire chanter, par pitié,

Lui offrait un verre.

Et François continuait sa petite vie.

Chez lui il y avait toujours, si t’avais faim,

Un’assiette de soupe d’haricots sec et d’épinards sauvages,

Offerte avec amour.

Pauvre François !

Un beau jour, on t’a plus vu au bistrot,

On a plus entendu le coup de la serpe.

On est allé te chercher.

On t’a retrouvé  dans ton pallier,

Assis à table.

Tu semblais endormi, un sourire sur tes lèvres..

François,

Je me souviendrai toujours de toi,

De ta soupe aux haricots secs et aux épinards sauvages,

De ta belle voix

Quand tu chantais tout seul en coupant ton bois :

« En compagnie de mes amis,

De ma maison ! »