Merci, Bon Djeu!

Merci, Bon Djeu

pe ci dzen solèi tcheuddo!

Vèyo de cou

n’ë gneunca vullo

quan sayou dzoveunno

et galoppavo de sé et dé lé,

sensa clèrié

la bôté de ci mondo !

Ara que së dzà belle viou

et l’è case l’euya de partì,

m’engraverìe enco

de pamë vëre

le dzor et le sèison paassé..

Ouè, dze së tan rèt, tan lagnà,

mé si paë contèn

de me rèché lo mateun

et poussèi die enco eun cou

merci, Bon Djeu,

merci pe la plodze et lo vèn,

pe lo tèn que t’a balliamme!!

Bon! Ara me fa allé

ballié peuqué i dzeleunne!!

Grazie, Buon Dio!

Grazie, Buon Dio,

per questo meraviglioso tiepido sole!

Quante volte

quand’ero giovane

non me ne accorgevo

e correvo di qua e di là

ignorando

le meraviglie di questo mondo!

Ora che sono ormai vecchio

ed è quasi ora di partire,

mi spiacerebbe molto

non vedere più

i giorni e le stagioni trascorrere..

Sì, ho male dappertutto e sono molto stanco,

ma sono così contento

di svegliarmi al mattino

e poterti dire ancora una volta

grazie, Buon Dio,

grazie per la pioggia e per il vento,

per il tempo che mi hai concesso!

Beh, ora devo andare

a nutrire le mie galline!!